Skip to main content

ГIалгIайчен кагийбараш, республика дукхача къамий мах бараш, Iомадеш ба

ГIалгIайчен къамий политиках йола министерства, регионе гIолла, къамашта юкъе дIа-юха леладу гIулакх чIоагIдеш бола болх дIахьош я. Цун керттера маIан да, тIехьа-тIадоагIача ноахала дика кхетам балар.

Цу тайпара, цу оттама болхлоша, къамий-культурай автономе викалашца, иштта, «Назранерча № 2 йолча ишкола» дешархошца цхьана вIашагIкхетар дIадихьар, цига дийцар къамашта юкъерча гIулакхех а, динах а, кхыдолча мах барех а лаьца.

Къамашта юкъерча гIулакхий отдела кулгалхо йолча БIархой Мадинас белгалдир, ГIалгIайче 70 совгIа къамаш дахаш хилар а, вай республике цу политика даима терко еш хилар а.

«Къамашта юкъе барт бара, сакхетама а, социально-политически а хьал доаггIача боарам тIа латташ, даима шоайла тарлуш, къамаш дахара хаттар, вай республике керттерачарех цаI лоархIаш да.

Цу кхетаче, берашта дийцар тайп-тайпарча къамашта юкъе барт лелабар мел лоархIаме да.

Къамий викалаша гойтар берашта, шо-шоай къаман Iадаташ, йовзийтар культура.

Цар хьоахадир, ГIалгIайчен бахархоша шоашца леладу гIулакх бахьан долаш, мел аттача даьлар шоай вахара хьал, ерригача республика къамашца шоай Iадат а культура а мишта дIаийра.

Гулбеннараша яхачох, цу кхетачех чIоагIа пайдане а, эшаш йола а мероприяти хилар. Берашта дайзар, ГIалгIайчен а берригача мехка а, бахархой мах бараш.