ГIалгIайчен къахьегамхой лаьрхIа ба дика хьувкъам чуэца, шоаш лаьрххIа дика къахьийгача бесса. Цунах дийцар ший телеграм-канале, ГIалгIайчен Кулгалхочо, Келматанаькъан Махьмуд-Iаьлас, бIарчча ди дIадихьар цо республика ГУПаш, КФХ боахамашка хьожаш, региона фермай, аграрни боахамашка болхлой къахьегам мишта латт хьожаш.
«Къаьстта терко тIаоз тIеххьарча шин шера даьхача толамаша», — аьлар республика кулгалхочо.
Кхай тIа болх тIатеIIа дIахьош ба, юртбоахамхоша чуийцача хьувкъамга хьежача гIадвуг. Укх шера аграреш ка бола ялат а баьцадаараш а, дикача сортах дараш дIадийнадар.
Цо белгалдир, юртбоахамхошта новкъостала йолча программашка дакъалоацаш хила веза аьнна.
ГIалгIай Республика юртбоахама Министерства, уж декхараш маьхалдахара дола декхар тIадиллар цо, цу программе дакъалоацачоа дикал йола, юридически консультаци яр а тIадиллар.
«Шоаш тIаийца болх лерттIа дIа а хьош, цох доахаш дола толамаш хьагойтача боахамхошта, дIахо Iаьдалгахьара новкъостал лоаттадергда.
Из бахьан долаш юртбоахам дегIабоалабе а, цу даькъа тIа дика толамаш даха а таро хилар», — аьлар ГIалгIай Республика Кулгалхочо.
Махьмуд-Iаьлас яхачох чIоагIа лоархIаме да, ГIалгIайчен цхьацца йолча районашка доккхий догIаш лаьттадар аьнна доацаш, иштта ша техабар аьнна доацаш, хьувкъам дика кхебар, массане а шоаш болча даькъа тIа лерттIа къахьегарах хиннаб из иштта дика.
Иштта, Махьмуд-Iаьлас белгалдир, из мо бола хьувкъам чуэца лаьрхIа хилар 2022 шера.
