Skip to main content

ГIалгIайчен къаман гIулакхах йолча Министерстве дийцар терроризма, экстремизма духьала къовсам лелабарах

ГIалгIайчен къаман Министерстве кхетаче дIайихьар, республика СМИ гIолла терроризма, экстремизма духьала къовсам лелабарах.

Телевидене, кепа йоазон викалаша дийцар, цу лоархIамеча балхах лаьца, республике гIолла, хьал мишта латт.

Цига белгалдаьр дар, ГIалгIай Республикерча тайп-тайпарча боахамашка СМИ гIолла, цу хьакъехьа малагIа толамаш даьхад, къаьстта терроризма, экстремизма духьала къовсам лоаттабара.

Иштта цу мероприяте доклад йийшар — ГIалгIай Республика спорта Министерства, къонабарий Комитета викалаша. Шоаш цу доккхача зулама духьалъоттара дIахьоча балхах доклад йир цар.

Хоам бу, цу мероприяте «Къамашта юкъера гIулакхаш чIоагIдара, къаман политика дегIайоалаяра» йола паччахьалкхен программа дIаяхьа езаш хиларах, терроризма, экстремизма духьала къовсам лоаттабара из геттара чIоагIа эшаш хиларах.

ДIахо белгалбир, ГIалгIай Республике гIолла 2021-2023 шерашка, 11 -ча квартале, 2022 шера Российски Федераце терроризма духьала къовсам лоаттабара йолча Комплексни плана мероприятеш маьхалъяьха хилара болх, цу юкъе бар 2019-2023 шерашка, 2022 шера 5-ча июле кхаччалца йолча хана, кхоачашде дезача декхарех лаьца болх а.

Совещани дIахьош дукха дийцар терроризма, экстремизма духьалъоттара керттера болх дIабахьара, хьалхарча аргIах де дезачох лаьца а.