Skip to main content

Таханарча ден наькъаш

ГIалгIайчен «Кавказ» яха федеральни никъ тоабеш латт

Пресс-служба Минавтодора 

Республикан наькъий Министерствон говзанчаша 2021 шера «Кавказ» оалаш бола федеральни никъ тоабе болабир, из Илдарха-ГIаланна, Юкъерча Ачалкхенна, ГIайрбика-Юрта юкъегIолла чакхбоалаш ба. Де деза балхаш шин даькъа декъа лаьрхIадар: цкъа хьалхагIа цхьа дакъа йисте а даьккха, цул тIехьагIа — шоллагIа дакъа. Цу тайпара, хьалхара шиъ ах километр никъ таханарча хано дIадеххача беса тоабаьб, наькъа гIирмаш латтача кхаччалца.

ХIанз наькъахой шоллагIа дакъа тоадеш ба.

«Карарча хана, къаьнара никъ хьалхоарца а беш, хьалбоаккхаш, цу тIа ПГС оалача бийдалах керда никъ Iобулла болх беш да тхо. Белгалдаккха дезаш да, ара хаоттам хиларга хьежжа мара из болх бе йиш цахилар», — аьлар болхлоша.

Болхлой шоаш моллагIча хана а болх бе кийча ба, цхьабакъда гIишлон материал ара шийла йолча хана е IотIаелхаш тIаьда йолча хана никъ биллара пайдана яц. Тха наькъахоша шоашта тIаийцадале а ханал хьалха болх баь баккхара декхараш, цхьан минота а дицдалийтац наькъий дикал лакха хила езилга а, иштта наькъашкара кхерамзле йолаш уж хила дезилга а. Цудухьа уж кийча ба, ара хаоттам хиларга хьежжа, шоай болх дIабахьа. ХIа аьнна ара хаоттам тоалушшехь а, цар йиса наькъа 3,80 км дIахоттаргья хьабаь латтача «Кавказ» цIи йолча боккхача, кердача наькъах. Цох хетта а Iергбац.

Наькъаш дехкарий Министерстве, карарча шера белгалдаьча тайпара, 28 км бIаьха никъ бола итт моттиг тоае лаьрхIад.

Хьалххе а ала лацар сона, цхьабакъда болх сиха беш хиларга диллача, «Кхерамзлен дикал йола наькъаш» яха къаман проект хьалхагIа яккха мегаш я, цунна чудоагIаш да «Кавказ» яхача трасса тIа, Илдарха-ГIалан, Юкъерча Ачалкхен, ГIайрбика-Юртарча машений наькъашка ду балхаш.

Пресс-служба Минавтодора