Skip to main content

ГIалгIайчен халкъа кхоллма ЦIен художественни кулгалхо Ерригроссе фестивала лауреат хилар

ГIалгIайчен цIи хезача Россе артистка Йовлой К. А. цIерагIча халкъа кхоллама ЦIен художественни кулгалхо Абдурзакова Аьсет «Сердце родиной тревожь!..» яхача тохками а, методически а, кхоллама а балхай Ерригроссе фестивала лауреат хилар, из дIахьош яр халкъа энциклопеде Академи.

«Халкъа энциклопеде Академе дIахьош я «Сердце родиной тревожь!..» яха фестиваль, «Моя Отчизна» яха Халкъашта юкъера инновационни проект маьхалъяккхара чуйоагIаш я из. Из дIаяхьара бахьан да Россе, цун регионий бахархой къамий культура оагIув а иштта цунна истори а довзара. Иштта цо тIахьех тохкама балхаш дIахо дIадахьара, методически балха оагIув дегайоалаяра. Аз жюрега гойта оттаяьяр «Воины-ингуши-участники Сталинградской битвы» яха методически тохкам», — аьлар «Сердало» газетага Абдурзакова Аьсета.

Цунна балхашта кепатехай 2022 шера Iилма-тохкама, методически кхоллама «Моя Отчизна» (2022) болх чубодаш долча сборника тIа. ХIаьта хIанз «На виду» яхача Халкъашта юкъерча выставке инновационни карагIдаьннар аьнна гойташ а да из.