Skip to main content

Дега дакъилг

ГIалгIайчен хьехархошта совгIаташ делар, цар лоархIамеча балхах

Назране, культура Двореце дIадихьар, Мехкдас Келматанаькъан Махьмуд-Iаьлас дакъалоацаш, хьехархойи дешара ветеранийи сийлахь-безбар. Региона кулгалхочо даькъал бийцар беррига дешара болхлой, цар балха цIайца. Цо белгалдир, яр ди республика хIара вахархочоа лоархIаме хилар, хIана аьлча, хьехархой ба хьехараши берий сакхетам лакхбоаккхараши, иштта вахара жовхьараш лураш, нийса наькъаш хьехараш.

«Сона лов, шоай берий йIовхали дегагIозали шуга кхачар, вахарера моттиг цар хьалацарца. Къоабалдаь тIаэц шо хьамсара хьехархой, баркал ала лов садехка беча къахьегамах, оаш хIара дешархочунна шоай са, шоай дега дакъилг дIадаларах», — аьлар Макшарипа Махьмуд-Iаьлас.

Субъекта дас белгалдир, ГIалгIайчен викалаша могар ду, хьехархошта болх бе атта хургдолаш, керда ноахалаш хьалкхедара. Мехкдас терко йир, республика керда берий бешамаши ишколаши хьалъяра йолча планашта. Иштта, ГIалгIайче, карарча шера, региональни проектага «Современная школа», иштта «Образование» яхача къаман проектага хьежжа 4 дешара организаци яьй, хIара яр-720 моттиг йолаш. 2021 шера юкъейоалаергья кхы а 14 ишкол.

«Демография» яхача проектах хьалъергья 9 деша ца ухача берий гIишло. ХьтIадоагIача шера юкъейоалаергья 8 дешара учреждени.

ЛоархIаме вIашагIкхетар чакхдоалаш, Келматанаькъан Махьмуд-Iаьлас доагIа совгIаташи сийлен грамоташи елар ГIалгIай Республика дикагIболча дешара болхлошта.