Skip to main content

ГIалгIайчен къоаноша кхадж тассара тIахьех

Хоза дегIайоагIаш латтача Элдарха-Iалий тIа, Паччахьалкхен Думеи ГIалгIай Республика Халкъа Гулламеи, кхадж тоссаш латт Iуйранна 8 сахьат даьлча денз. Массаза а, лоархIамерча ханашка шоаш гойташ хинна, шоашкара масала гойт вай къоаноша. Уж дукха хIама бIаргадайна нах ба, цар яхар массаза пайдане а хул.

Кхоартой Iалихана хьалхарчарца, ший цIагIарабараш а боалабеш хьа а вена, кхадж тассар № 2 ишкола юххерча,№ 205 йолча хоржама даькъа тIа.

Цо яхачох, хIара вахархо декхарийла ва кхадж тасса, ший граждански декхар кхоачашде. Законий даькъе вай мала хоржаргва хьежжа хургья, ГIалгIайчен хьалхашка латта, декхараш кхоачашдара йола таро а.