Skip to main content

ГIалгIайчен лоамашка ядача юрташка, лакхача боараме наькъаш дохкаш латт

ГIалгIайче, тIатеIIа къахьегаш ба, ДаьттагIа яхача юрта, машена никъ Iобуллаш. Ткъо километр хиллала бола никъ, сихагIа чакхбаккха гIерташ, шоашта могар ду наькъа служба говзанчаша.

Цу балха лаьрххIа терко еш ба вай кулгалхой.

«Ингушавтодор» ГУ кулгалхочо, Хаматхананаькъан Батыра, цахаддаш тIахьожам лоаттабу беча балха дикалла.

Тахан, ворхI сантиметр сомал бола, гIоргIа асфальт наькъа шоррал уллаш ба, из юрт йиссача ГIалгIайченах хотташ.

ХIара маьлха ди мел доагIача хана, наькъа служба говзанчаш арабоал шоай декхар кхоачашде. Хетаргахьа, йиллача ханал хьалха, никъ Iобилла бала мегаш а ба.