Skip to main content

ГIалгIайчен лоIаме латархо, ГIантамаранаькъан Iалаудин, дакъалоацаш хургва къорача наьха Россе Чемпионате

Укх деношка, ГIантамаранаькъан Iалаудина, яхьашка дакъа лаца дезаш хиларах дийцар, «Чингиз» яхача спортивни клуба офиса атлета, тренера Нальганаькъан ТIахIира, иштта юкъарлонна кулгалхочо БIархой Джабраьила.

Тренара яхачох, Iалаудин 74 кг. дозалах дакъалоацаш хургва.

Цо лоархI, нагахьа санна, кхы дагадоаца хIама юкъе иккха болх ца хуле, ший дешархочун таро хургья дуненна Чемпионате вахара.

ХIама дIахозаш боацача наьха, Россе Чемпионат дIахьоргья, карарча бетта, 24-27 деношка кхаччалца, Владимире.

Цига дIабахара а кийчо яра а, вай викалашта, ахчанца новкъостал дар эшаш.
Клуба кулгалхоша, цу гIулакха лаьрхIа, 80 эзар сом хьожадаьд.