Skip to main content

ГIалгIайчен Минавтодора кулгалхочо дакъалаьцар, РФ региональни дегIаяра комиссе заседане

ГIалгIайчен, машений наькъа министра, Хаматхананаькъан Батыра, дакъалаьцар Российски Федераце региональни дегIаяра правительства комиссе дIайихьача заседане. ВКС оалача боараме заседани дIайихьар, РФ вице-премьера Хуснулин Марата кулгалдеш.

Цига дувца оттадаь дош дар — наькъий дикал тоаяр, иштта цунца бувзабеннача боахамий болх тоабар.

«Россе вице-премьера хьалхадаьккхар, РФ Президента пхе шера де дезаш да аьнна чIоагIдаьча регионашкарча балхий план, моажола бетта цхьоалагIа ди хьакхачалехьа, 2023-2027 шерашка йолча хана, кийча хила езарах», — аьлар республика автодора Министерства пресс-служба.

Хьалхадоаккх, ГIалгIайчен наькъа служба болхлоша, «Безопасные качественные дороги» яха къаман проект, ханал хьалха кхоачашъяьй. Кхойтта объекташка хьабаьб из болх, цу юкъе кхо моттиг тIаьш тохкаш а хиннай.