Skip to main content

ГIалгIайчен мохктохкама музей, музея селфи яхача, Халкъашта юкъерча денна доакъашхо хилар

ГIалгIайчен, Малсаганаькъан Тухана цIерагIча паччахьалкхен мохктохкама музее, музея селфи яха Ди дIадихьар.

Из ди халкъашта юкъера ди лоархIаш да, цо таро лу, хIара безам болчунна, шера цкъа музее хьа а вена, шийна бакъахьа хетача моттиге дIа а этта, фотокамераца сурт даккха.

Цхьа моллагIча долча дийнахьа, дукхагIа йолча музеешка, цу тайпара сурт даккха бокъо лац.

Селфи — из музея вахара, цхьа бахьан хинна Iац.

Мохктохкама музее массаза а хул дукха нах, уж дукхагIча даькъе, вай лоаман вахара исторе оагIонаш йовзара ухаш ба, цул совгIа, цар таро хул, гIалгIай къаман дIаяхача ханара вахар довза.

Музее ухача наха юкъе го йиш я: республика бахархой, иштта вайцига хьабаьхка хьаьший, бераш, боккхийбараш. Уж юхаболхача хана, бIаргадайначоа чIоагIа раьза болаш, цецбувлаш болх.