Skip to main content

ГIалгIайчен прокуратура дагадохийтар дешара учрежденешка кхерамзле лораяр

Назрана района прокуратура тахкар, кхерамзленна йола закона бокъонаш лораяр дешара учреждненешка, дешара шу долалуш. Из болх дIахьош тIахьожама ведомства гучадаьлар Iаьлий-Юрта, Экажакъонгий-Юрта, Долакха-Юрта, Яндаре, СурхотIе, ГIаьзе-Коа йолча дешара учрежденешка, машеннаькъа дехьавоала наькъа такаш кхоачам боацараш долаш хилари, уж оттаяьча бокъоний нормаш телхаеш хилари.

Иштта, гучадаьннад юрташкара ишколашта юхерча машеннаькъий кIай такаш: машений кираш къоастаераши, наькъий шаьра доацараш къоастадераши бессаза далар, иштта бессаза даьннад наькъа йистош гойта цхьатара дола такаш. Цу тайпара кхоачам боацараша тарло, зуламаш де: берашта, берий дай-ноаношта, берригача наькъа болама доакъашхошта.

Района прокуратуро техкачал тIехьагIа, цIи яьккхача шахьарий кулгалхошта представленеш язъяьй кхоачамбоацараш дIадаха, аьнна.