Skip to main content

ГIалгIайчен школьникашта хьалхадоаккх, эстремизма, терроризма кхерам мел боккха ба

Терроризма духьала къовсам лоаттабара йола комисси яха хилар, ГIалгIайчен МагIалбика района №10 йолча ишколе, цига дIахьош яр терроризма, экстремизма духьала къовсам лоаттабара тIаерзаяь йола мероприяти. Цига дийца дош дар, кхувш йоагIача тIехьенна юкъе терроризм, экстремизм яргйоацаш дIабахьа безача балхах лаьца.

«Дешархошта хьалхадаьккхар, тахан кагийбарашта юкъе экстремизм ялара кеп гуш хул наха юкъе йолаш йола бокъонаш ца лелаеш, миштаб ца ховш бола кагийбараш вIашагIбетталуш, бокъонаш телха е гIерташ цар лелабеча наькъах.

Экстремизм, терроризм дукхагIча даькъе дIа-юха йоаржаеш хул, социальни мазашка гIолла. Из кхетаче дIахьоча юкъа кагийбараша, шоашта дагадоахкаш дола хаттараш а делар, говзанчаша царна жоп делар.

Кхетаче йистейоалаш терроризма, экстремизма духьала къовсам лоаттабара вIашагIъеллача комиссе викалаша кагийбарашта хьалхадаьккхар, цу воча гIозарах лоравалар мишта хила деза-шоай оагIонаш тIа юкъе зулам доаллаш йолча материалашта кепа ца тохар, иштта из хьаллоацаш дола къамаьлаш цу оагIон тIа ца яздар», —  аьлар «Сердало» газетага, МагIалбика района администраце пресс-служба.