Skip to main content

ГIалгIайчен, Шолжа культура ЦIен коллективо, даькъалбийцар района къоаной

Кхоана, дерригача дунен тIа белгалдеш да Халкъашта юкъера къоаной Ди. Из дукха ха хьалха ООН хьалхадаккхарах дездеш да, цIай долча ханашка, массанена дагабох вай къоаной, царна эшар, дезар фуд ха ловш хул. Цудухьа, массане а ший декхар лархIа деза вай къоаной, хьатIайоагIача шийлача гуйрана, екъача, йIайхача бахаш хилар. Из иштта хилийта хало эшаш хIама дац, царна йоагIаш йола терко лоаттаяр мара.

Из дага а деха, хIара шера санна хIанз а, Шолжерча культура цIен болхлоша, шоашта кертте кулгалхо Матенаькъан Iайшет а йолаш из ди дезду.

Из Ди белгалдара, дукха ха йоаццаш, шоаш хинначара дIабаха хилар а Iаткъаш хиланзар Шолжерча РДК болхлошта. Цхьа бутт мара бац цар балха моттиг хийца.

Еррига терко цар тIаяхийтар вай къоаношта. Царна юкъе вар ГIажара-Юртара Барчишвили Къаьдар. Из боккхача, дикача дезала да ва.

Кхоана да а, даь-да а, даькъалбувцаш хургба цунна виъ воI, йиъ йоI, кхойтта дезала дезал а, цар виъ дезалхо а.