Skip to main content

ГIалгIайчен шушашкара хий арахецараш кийча ба кердадараш юкъедаха

Ди тIехьагIа тIакхоачаш латт, шушашкарча хина маркировка яь хила еза ха. Из ха я — 2021 шера, наджгамхой бетта 1-ча дийнахьа хьатIакхоачаш.

Цунца дувзаденна, арахецача хина дикал хилийтара йола кийчо мишта яьй хара, видеоконференци дIайихьар.

Цига дакъалоацаш хилар ГIалгIайчен викал, республика бийдала рынка мониторинга, кхачана а промышленноста а отдела кулгалхо Базгенаькъан Мухьмад, иштта, ГIалгIайчен шушашкара хий арахецаш йолча предриятей викалаш — «Ачалуки» ООО керттера технолог Царахова Лалита, «Обанхи» ООО керттера директор Смирнов Алексей, иштта «Джейрахская», «Бешлоам» яха хиш арахецаш йолча заводий кулгалхой Чуранаькъан Адибула, Iалбаканаькъан Мухьмад.

ЦхьоалагIча тов бетта денз дIайолаенний, хиш кийчдара йола регистраци.

Наджгамхой бетта 1-ча дийнахьа денз, минеральни хишта еш йола маркировка дIайолалургья.

ХIаьта, 2022 шера муттхьал бетта 1-ча дийнахьа, денз дIахо мел диссача хишта а из дIа-юха даржаш хургда.