«Къилбаседа Кавказа Россетий» 2023 шера ГIалгIай Республике ток лакха йолча тока мугIарашка хургья «МагIалбик-Раздольни» (ЛЭП), цига капитальни ремонт яр бахьан долаш. Цу балхага предприяте дIадахийта лаьрхIад 2,6 млн сом.
35 кВ класса ток хьаозаш йола тока объект дIакхоачаш хила еза гаьнарча Вежарий-Юртага, цунах цхьа дакъа тIема сийлен шахьара йолча МагIалбикгаа кхоач. Цо лерттIа болх беш хиларах тийша да мехкадаьтта доаккхача моттигá а токаца Iалашо яр.
Белгалдоаккх, 2022 шера говзанчаша хувца безаш хинна бIоагIа хийцар, 3,2 километр аьшкасаьрг кердабаьккхар, болх баь кхоачаденна 75 ингале пелаш а цу юкъе дар.
Карарча шера энергетикаш 10 тока бIоагIа хувца безаш ба, 3,8 километр тийшбенна аьшкасаьрг, 150 къаденна тока бIоагIаш тIа доагIаду пелаш.
«МагIалбико сийлен цIи енна 16 шу да, «денал, майрал гойташ, шахьар лораеш лаьттача бIухоша моастагIчунгара яьккхача коталонах, — аьлар «Ингушэнерго» филиала кулгалхочун декхараш кхоачашдеш волча ТIоаршхой Рамзана. — ТIема сийлен шахьар оаха геттара теркама юкъе лелаю. ХIара шера «Къилбаседа Кавказа Россеташа» лаьрххIа йолча программанна чудоагIаш, бIарчча мугI балхаш дIахьу, токацара болх лакхбара, къаьстта долча дагалоаттама даькъ тIа цо лерттIа болх бергболаш».
«МагIалбик-Раздольни» тока накъаца болхлой тоабаша сиха балхаш дIахьоргда, 2023-2024 шерашка Iан-гуйран замалахьа, халача хьалашка тока гIишлош болх беш хургйолаш.
