Skip to main content

ГIалгIайчен ТIой-Юрта даькъа тIара больница хьалъе йолаяьй

ГIалгIайчен ТIой-Юрта «ТIой-Юртара даькъа тIара больница (ГБУЗ)» хьалъе йолаяьй, аьнна хоам бир «Сердало» газетага, ГIалгIай Республика гIишлон Министерстве.

«ХIанзарча хано дIадеххача бесса йола, лорий урхале хьалъеш я «УнахцIено дегIайоалаяр» яхача къаман проектах. Цу больнице 60 сага лаьрхIа Iовижа дарба де таро а хургья, цул совгIа, 100 саг тIаэцаш йола график а хургья. ГIишлон балхаш доахаш бохк «Маяк» ООО гIишлонхой а говзанчаш а. Контрактах оттабаь мах ба 246 миллион сом», — йоах хоамо.

Йоккхача диазза вIаштаръяьча гIишлон чу хургья: керда медицински оборудовани чулатта кабинеташ, палаташ, цига дарба де таро хургья унахошта эшаш мел дола хьалаш а долаш.

Цу тайпара гIишло хьалъяро таро хулийтаргья хало а йоацаш лорашкара эшаш дола дарба де а, иштта дикача хьалашка хила а шоаш дарба деш болча юкъа. Уж деррига балхаш, хьатIадоагIа шу чакхдоалаш, кхоачашдаь даха лерхI.