Skip to main content

ГIалгIайчено дезду Дунен халкъашта юкъера Олимпийский ди

ГIалгIай Республикера спортсменаш, дунен тIарча шоай новкъосташца цхьана, кечлуш ба Дунен къамашта юкъера Олимпийски ди дIадахьа. Из ди МОКа бартаца дезду хIара шера, мангала бетта 23 денна.

ХIанз, цIай дездеш, МагIалбике дIахьожъя ондаргашта лаьрхIа мини-футболах йола районни турнир. Къовсаме яьхаш чакхйолаш хургья тIехьайоагIа спортивни мероприятеш, Физкультуреи спортеи Министерствас дезача цIайна хетаяь.

Мангала бетта 19 дийнахьа, Iаьлий-Юрта ФОКе дIаехьар республикера ондаргий самбох йола турнир, Наьсарен школа —лицее (ловзара майдане), Лакхерча Ачалкхе (ФОКе) дIаехьар республике боккхагIчарна лаьрхIа йола волейбола турнир. Иштта, Йовлой Берда цIарагIча спорткомплексе хилар армрестлингахи, баскетболахи, Iадсаькхахи йола, яхьаш.

Мангала бетта, 20 дийнахьа Магасе дIаехьар шахматех йола турнир, хIаьта МагIалбик- гIалий тIа- футбольни яхьаш.