Skip to main content

ГIалгIайчера къона дзюдоист, халкъашта юкъерча яхьашка, геза совгIат доаккхаш котваьлар

Укх деношка, Владивостоке, «Дети Азии» яха VII Халкъашта юкъера спортивни ловзараш да дIахьош.

Йоккхача яхьашка дакъалацара гулбеннаб, дуненна, 26 мехкара 2000 кагийбараш. Цу программе дIахьоргдолча ловзарашка хургья, 19 тайпара спортивни оагIонаш. Цига керттера дакъа дIалоацаш хургья, спортивни дисциплинах йола, азиатски овла бола спорта вид-дзюдо.

ЧIоагIа конкуренци йолаш дIабихьача спортивни къовсаме, вай мехкахочо, Эсмарзанаькъан Мухьмада толам баьккхар.

Россе кагийбарий гуллама чувоагIаш 60 кг дозал дарашта юкъе геза майдилг яьккхар цо. КхоалагIа моттиг йоакхаш, вай атлета духьала отта хьажар, Узбекистана викал Алиев Алижон. Цхьабакъда Мухьмада шийгара совле яхьийтанзар, цу тайпара, котваьннача кхаьннена чувоагIаш йола моттиг яьккхар цо. Яхьашка, Мухьмад ГIалгIайчера викал волаш дакъа лоацаш вацар, из викалваьвар Татарстано. Мухьмад спорта мастера кандидат ва, Россе геза призер, Россе кагийбарий сборне доакъашхо а ва.