Буро кIалхарча культуран ЦIен илли ала бераш Iомадеш йола Алхой Заира «Дерригача дунен тIа машар хилара тIехьа» яхача Ерригроссе кхоллама яхье котъяьлар. «Илле жанра» юкъе дакъа лаьцар цо. «ЦIера сийг» яхача къовсаме, цун кхоллама лакха мах оттабир.
«Оаха дег чура даькъалаювц тхоай болхло, дIахо а цун дика толамаш даха таро хилар ловш.
«Дерригача дунен тIа машар хилара тIехьа» яхача яхье таро хилар, кхоллама балха тIара ший говзал гойта, илли дIааларца фу карагIдоал ха, культура оагIув малагIча лагIа тIа латт бIаргаго. ГIадвугаш да Алхой Заирай балха говзал лакха хилар», — аьлар «Сердало» газетага Буро кIалхарча культуран ЦIен болхлоша.
