Skip to main content

ГIажарий-Юртара Iаьдал а нах а цхьана, урамаш тоае арабаьннаб

Революционни, Кирова, Керда — цIераш лелаю урамаш, кердача суртаца къаьгай. Ах километр гаргга бола никъ, жагIа тоссаш, иштта кхыдолча хувцамашца, тоабаьб. Iаьдала а бахархой а хьинарца, дикача хьале йийрзай Революционни, Керда яха, урамаш.

Асфальт буллаш тоадаьд кердача урамий наькъаш. Иштта, кашамашта дIатIабода никъ тоабе а декхар оттадаьд администрацес, шийна хьалхашка. ЖагIа тессаб 300 метр наькъа тIа.

ГIажарий-Юртарча администрацен кулгалхочо, Гуленаькъан Абдусалама «Сердало» газетага аьнначох, наькъашца бе безар кхы а дукха болх ба. Шу чакхдалалехьа тоаде лерхI Гоголя, Дьякова, Горьке цIерах йолча урамий наькъаш.