Skip to main content

Вай мехка гIолла мар-сесаг дIа-хьа къастар совдоалаш доагIа

Укх ворхI шера Россе гIолла мар-сесаг дIа-хьа къастар дукхагIа хулаш латт. Россе бахача наха юкъера вахара хьал хьаийцача, укх шера хьалхарча пхе бетта 251 моттиг я мар-сесаг шоайла къаьста аьнна, хоам бу НСН, FinExpertiza яхача халкъашта юкъерча аудиторско-консалтингови тохкамо.

2021 шера, наджгамхой бетта денз сели беттага кхаччалца йолча хана, цу организаце яхачох, дIадахача шера хинначул 44% дукхагIа я Россе ерригача регионашкара хьал хьаийцача, мар-сесаг шоайла къастара моттигаш.

Хьагучох, цунна бахьан да латташ дола пандемия оала лазар.

Хоам бу ГIалгIайче гIолла, из хьал кхы а дукхагIа хиларах (3,5 дукхагIа), Нохчашкахьа (2,7 -дукхагIа), Селашкахьа (2,I -дукхагIа), ГIаьбартой-Черсий (2 -дукхагIа), Къилбаседа — ХIирий (2- дукхагIа). ПхийттлагIча мугIаре латт Москва — цига из хьал 63% да.

Тохкамхоша баьча балхага хьежача, 2020 шера эггара кIезигIа дар (1000 сага юкъера мар-сесаг шоайла къастар) хьал, сели беттагара дIадоладенна, мангала беттага кхоачаш Къилбаседа — Кавказа республикашка. Цу тайпара ГIалгIачеи, Нохчашкахьеи из дар-0,6%.

Эггара кIезигагIа да Белгородске (15%), Воронежски (19%), Калининградски областашка (19%), Хакасе (20%), Ненецки автономни округе (23%).