Skip to main content

Грантаца хьаллаьцар вай мехкахочун проект

«Махар-2022» яхача кагирхой форумах дараш дийцар, Черсий мехка. Цу форуме дакъа лоацаш йолча Ерригача Россе грантови кагирхой конкурсе котало яьккхар, тIехдика ший проект дIайовзийтача вай мехкахочо Кхоартой Iаьлас. «Лоамашка хьоашалгIа» яхаш я цун проект. «Къилбаседа Кавказа «Махар — 2022» яхача форумо ГIалгIайчера, Селий мехкара, Нохчашкахьара, Ставрополера, Адыгеера. Астраханера, Балкхарой, Черсий мехкашкара, 100 совгIа-кагирхой гулбаьбар. Проект чIоагIъяр 15 номинацехи, биъ оагIонахи латташ дар — социальни проектировани, студенчески туризм, кхоллам.

ХIара доакъашхочун аьттув бар, шийна ховр дIагойта», — дийцар тха газетага из гIулакх вIашагIделлараша. Керда 10 туристически доазув тоадеш йолча проекта тIехьа, Кхоартой Iаьлас, болх дIаболабергда, укх шера моажола бетта.

«Махар» яхача кагирхой форума истори, дег чу дужаш да. Черсий мехкарча паччахьалкхен университета экономически факультета декан волча Узденов Таусолта, дешара тIехьа белгалбаьнна студенташта кхеллача, ахкан ишколах-семинарах хьахилар из. Къилбаседа Кавказа оагIон тIа, форум хьатIаяьлар 2015-ча шера. Из гIулакх вIашагIделлараш, тахан, Черсий мехкара кагирхой гIулакхех йола комитети, «Высокогорный креативный кластер» яха Российский кагирхой союза региональни отделении — я.