Skip to main content

Грепплингах йолча яхьашка шозза призер хилар Дзовранаькъан Адам

Москве, тау бетта ткъаь диълагIча дийнахьа, грепплингах «Кровью и потом-43: Время первых» яхьаш дIайихьар.

Цу яхьашка дакъалоацаш хилар берригача мехка регионашкара дукха атлеташ.

Турнире дакъалоацаш хиннараш 500 саг вар, хIара дозалах 15-20 саг волаш. Вай спортсмен, Дзовранаькъан Адам, шин дозалах латаш вар: 84, 92 кг.

Шинна а даькъе латарах дика толамаш а даьхар. Шиннахьа а латарах дото майдилгаш яьхар цо.

Яхьаш дIахьош яр, олимпийски системах йоагIаш йола, грепплингах йолча Ерригроссе федераце чIоагIъяь «грепплинг», «грепплинг-ги» спортивни латара яхьай бокъонаш юкъе а йоахаш.