Iалама гIулакх, лорадеш, дIадахьара тIахьех бахархой. ХIара сага дегIаца хила еза оамал я из, гонахьарча лостама уйла еш хилар. ЦIенача шахьаре, юрта ваха ловш ва вайх хIаравар; хIаьта из иштта халийтара тIехьа къахьега дезараш а, вай воаш да.
Дала хьаденна хоза, беркате Iалам лораде яхаш, кхайкарал ду бахархошка цу гIулакха бехктокхаме бараша.
«Iалам лораде ловш вар тахан дIаволавала веза! Эггара хьалхарча аргIагIа, нувхаш дIакхувсара гIулакх дIабеххача боараме тоаде, нийсде деза бахархоша. «Экологи» яхача къаман проекто каст-кастта дIакхухьаш долча боламашта юкъе дакъа лоацаш хилча, геттара дика да. Шийгара дIаволавала веза хIаравар!» — аьлар, тха газета интервью луш, Iалама гIулакхах йолча министерстве. Бахархошта дийцар, цар дакъа лаца йиш йолча боламех.
Масала, хин йистош цIенъе арабаьлар. Дуккхача Iаламах дог лазараша беш латт из болх. Хьун хьал тоадар тахан лоархIаме да! ХIара турпалхо дагалаьца, цунна тIера сагIийна га дIайогIар беркате гIулакх да.
Тахан кагирхоша, геттара дика хеташ, хьаллоацаш болам ба из. Каьхат дIачуийдеча моттиге тиша каьхаташ, книжкаш дIачудалар а геттара эшаш да тахан. ЛаьрххIа цу гIулакха къоастаяьча моттигашка нувхаш дIакхувсаро Iалама хьал лораду.
