Skip to main content

Iаьлий-Юртара гимнази мишта тоаяьй хьожаш хилар, депутат Татренаькъан Муслим

Iаьлий-Юртара гимнази тоаеш дIахьош латтача доккхача белхашка хьожаш хилар, Госдума депутат вола Татренаькъан Муслим. Иштта, цунца цхьана, цу белхага хьажа баха хилар «Керда ишкол» яхача партийни проекта региональни координатор вола МутаIаланаькъан Сулеймеи, Къаман Собране депутат вола Дарсиганаькъан Мухьмади, региональни исполкома кулгалхо вола Кхоартой ИбрахIими.

«Гимназе кулгалдеча Дибаранаькъан Заремайца болх дIабахара гIулакх мишта латт дийцар оаха. Из дешара кхуврч хьалбаьча хана денза, хIанз хьалхIара дIахьош да кулг тохара белхаш. Таханарча дийнахьа, чухьара белхаш да деш латтараш. Эггара халагIа дар дIадоладе дезаш да. 

Керттерачарех латт ахчанцара гIулакх а. Гимназе тоае эшашдараш дукха да. Проекта эшаш дола ахча, шу хьалха къоастадаь латташ дар, бакъда, тахан, эшача кхоачаман маьхаш хувцадаларга хьежжа ахча кхы а эшаргдолаш да. Цу деррига хIаман тIахьожам беш, нийсса из дусташ болх дIахьош ва тахан, подрядни кхуврча кулгалду МутаIаланаькъан Абабукар», — аьлар тха газетага Татренаькъан Муслима. «Гимнази тоаеш эшача ахчал совгIа, цу кхуврча ков тоаде гIо дийхар дешара кхуврча кулгалхочо. Тайп-тайпарча ханашка байнача вай мехкахошта — турпалхошта яьча аллее гIолла, хьожаш чакхваьлар депутат. Тишденна сурташ хувца, аллея доазув тоаде соцам бир цо. Кхувш доагIача берашта бовза беза шоай къаман турпалхой. Эггара хьалха тоае езарех я ер лоархIаме меттиг», — аьлар дешара кхуврче.