Skip to main content

Нальчике дIайихьача яхьашка, гIалгIай тхэквондисташа, 13 толама моттиг яьккхар

Тхэквондох йола, регионашта юкъера «Кавказа сийгаш» яха, фестиваль чакхъяьлар селхан Нальчике. Дакъа лаьцараш 2010-2013 шерашка баь кагирхой. «Спорт терроризма духьала я» яхача программан юкъе чуйодаш яр фестиваль. Минспорта пресс-служба яхачох, вай спортсменаш дикка белгалбаьлар цига.

Фестивалера вайга кхаьчар 13 майдилг.

Дошув дера Тиймарзанаькъан Дамира (26кг), шоллагIча меттиге латт Боканаькъан Асхьаб (28кг), МутаIаланаькъан Мухьмад (22кг), Меданаькъан Адам (30кг), Эсмарзанаькъан Адам (32 кг), Хидиранаькъан Абубакр (34 кг).

Геза кхаьчар Коазой Ахьмада (32 кг), Мачигнаькъан Мухьмада (26 кг), Хидиранаькъан Денин (26 кг), Хаьшанаькъан Мухьмада (28 кг), МутаIаланаькъан Абдул-Малика (28 кг), Къамурзой Iисайна (41 кг), Бохтаранаькъан Мухьаммада (32 кг).

Яхьашка спорсменаш кийчбеш хинна тренераш бар Къамурзой Ахьмад, Меданаькъан Ахьмад, Хамхой Хьусен, Йовлой Ахьмад, Муцольганаькъан Тамерлан, Аьстмаранаькъан Муса, Поалонкой Хьусен, Къамурзой Абдулла, Къамурзой Абубакр.