Skip to main content

Ишкол тояра белхага хьожаш хилар партийцаш

«Керда ишкол» яхача партийни проекта тIагIолла, ГIажара-Юртара №3 йола ишкола тояра белхаш мишта дIадолх хьажа баха хилар, «Единая Россия» яхача парте доакъашхой. Уж бар: Парламента депутат Мархенаькъан Мухьмад, Шолжа-пхьерча парте секретарь вола Йовлой Мухьмад, ГIажара-Юртара депутаташ — Арчхой Микаьил, Китенаькъан Мухьмад, исполнительни секретарь йола Iумаранаькъан Бэлла.

Ишкола еррига моттигаш тохкаш, дIадоладаь белхаш малагIча боараме да хьожаш, чакхбаьлар парте доакъашхой. Ишкола кулгалдеча Гуленаькъан Анжелайцеи подрядчикацеи къамаьл дир цар цхьацца дола хаттараш доашхаш. Эггара лоархIамегIа оттадаьр — хьадеш латта белхаш лакхача боараме, хила доаггIача тайпара чакхдаргдолаш дIадахьар. Цигара бераш кхыча ишколе дIачудигад, болх йистебаллалца. Баьча тIахьожамо хьахьекхар, подрядчикаша шоай болх дика дIахьош хилар. ДIахо йодача хана а, из тIахьожам лоаттабе лаьрхIа ба партийцаш.