Бокъо йоацаш вIашагIйийхкача зуламерча тоабаех вай кагирхой лорабеш, лекци йийшар Наьсаре. «Наьсарерча №6 йолча ишколе дIайихьар кхетаче. Из гIулакх вIашагIделлараш бар, дешарахи Iилмахи йолча министерствон, МВД болхлой.
Хьехархой юкъе болаш, цу болхлоша кагирхошта дийцар, наха юкъе зуламаш доаржаде хьакхеллача тоабай доакъашхошка ла ма дувгIа, тайп-тайпарча сайташка кагирхой тувлабеш багIача царца цхьаккха тайпара бувзам ма лелабе, аьнна.
МВД болхлоша хьалхадаьккхар, малагIа гIулакхаш бахьан сага суд е йиш я. Наха низ бар яха хIама вайна юкъера хаьдда дIадала дезаш да. Тахан вай массане, цхьана оарцагIдаьнна, юкъ хоадае еза цу бIехача, унзарча гIулакха», — дийцар ишкола болхлоша. Берий даьшка, ноаношка, берашка, из гIулакх тесса ца а дуташ, фе хила аьлар шахьара мэре болхлоша.
