Skip to main content

Къаман библиотеке довзийтаргда гIалгIай йоазонхой книжкаш

Укх шера, дикка ха йоалаш я вай къаман литературе, цхьацца произведенеш. ХIара книжка, цу библиотеке, ший кIоаргга истори долаш да. ДуккхагIчара автораш боаца дукха ха я, бакъда, цар кхеллар даха дисад адамий дегашка боккхача безамца.

ГIалгIай байтанча йолча, Льянанаькъан Марьяма аьнна, нийса, доагIаш дешаш да ераш: «Хано деррига, берригаш дIахьу, даха дус — книжкаш!». Къаман библиотека, краеведчески оагIонца, хьокха оттадаьд вайна массанена дика довзаш дола книжкаш. Литератураца бувзам лелабу цхьаккха саг хургвац, цар автораш ца бовзаш.

ХIара книжка, ший ха йолаш да тахан — 95 шу дуз цхьанне, хIаьта, цхьадараш арадалара 10-шу дездеш да. «Тха гойтаме хьокха оттадаьд, 2022 шера арадаьнна ха, язъеш дола книжкаш. Царна юкъера цхьаццадараш, гIалгIай литература хьаоттача хана яздаь да, масала, Малсаганаькъан Зоврбика яздаь «Пхьа» яха книжка, вожаш — иттеи пхийттеи шу хьалха арадаьнна да. Литератураца гаргало лелаерашта гургда: Боканаькъан Ахьмада «Беке къонгаш», Малсаганаькъан Ахьмада «Лорс афиша еш воал», Коазоай Iисай «Обвал», «Сийдола Магас», яха книжкаш.

Ма дарра книжкех дар, довзаргда тха гойтаме хьавеначунна. Цул совгIа, царех лаьца деша йиш я Къаман библиотека сайте», — аьлар «Сердало» газетага, цу книжкай кхуврче.