Skip to main content

Къаман библиотекера дешара зал, республике гIолла, го баккха арайоалаш я

Таханарча дийнахьа денза, ший болх дIаболабир къаман библиотекера дешара зало. Массанена дIабайза, безабенна бола библиотека дешара кхуврч, делкъел тIехьагIа Магасе кхоачаргба тахан. Керттерча пхьера дIаболалургба, цун республика го боаккхаш бола никъ.

«Кхуврче интернет йолаш компьютераш я. МоллагIча интернетаца безам болча сага лаьрхIа да, из беркате гIулакх. Могашал эшаенна нах а цига деша йиш йолаш ба. Къаман библиотекерча ахкан дешара зале, дукха, керда книжкаш да. ЦIенача фега, Iаламаца дог ловзаш, уж деша аьттув ба бахархой. Цул совгIа, библиотека болхлоша дешарашта кийчъяьй, презентационни библиотечни программаш. Дешара мобильный зал, тахан, эшаш я литератураца бувзам лелабеча наха. Парке, сквере хоза ха дIахьош, дега гарга дола книжка дешаш, ди даккха йиш я бахархой. Укх массайтта шера болаш ба из аьттув, книжках ший доаттагI лоархIачун».