Skip to main content

Къаман библиотеко лоархIаме болх дIабихьар укх шера

ДIадоча шера, шоаш баьча балхах лаьца дийцар къаман библиотеке. Кхуврча кулгалхо йолча ГIазданаькъан Радимас баркал аьлар, ший болхлошта, боаггIача боараме къахьегаш шу дIадахьарах. Укх шера, керттерча библиотеке, дIакхихьар дукха вебинараш, конкурсаш, кхетачеш.

Книжкай кхуврча куц, чухьара хьал тоадеш дIадихьача доккхача белхаша новкъарле йинзар барттайнача коллектива, шоай болх массахана санна, лакхача боараме дIабахьа. ЛаьрхIа хинначох, цхьа хIама кхоачаш ца деш дисанзар. Из, иштта, дIачакхдалара керттера бахьан-коллектив барт болаш хилари, шоай белхаца уж лерхIам болаш хилари да.

БIарччача шера шоашта карагIдаьнначох дийцар: Iилман белха кулгалхочун гIонча, Пхьилекъонгий Марета, библиотечни белха кулгалхочун гIонча йолча, Малсаганаькъан Л. , автоматизаце кулгалхочун гIонча Кхоартой А.

Коллективе хьоахадир техника хувцара гIулакх, иштта, кертте оттадир сайтаца, связеца дувзаденнараш. ГIазданаькъан Радимас аьнначох, 2024 шера, библиотека лаьрхIа керда гIишло е лерхI. Библиотека кердача вахаре, керда, доккха лерхIамаш долаш дIачудаха деза вай, аьлар кулгалхочо. ХьатIадоагIача шера де дезача хувцамех, хьалхарча даькъах кхоачашде дезарех дийцар коллективе.