Шоашта ховр, Iомадаьр декъа, къарший-черсий мехкара къахьегамхой кхаьчар вай Россельхозцентре. Массе моттигашка хьожийташ чакхбаьхар хьаьший, бовзийтар ПЦР лабораторе дIахьош бола болх.
МалагIа кердадараш юкъекхувлаш, филиале болх дIакхухь дийцар фусам-даьша. РСХЦ шин филиала кулгал деш болча Хубиев Артурои Белхарой Керамаси, боккха пайда луш хул штта йола кхетачеш, аьнна, белгалдир.
«Лоалаха уллача шин филиало шоайла бувзам, хоза гIулакхаш дIа-хьа леладу дукха ха я.
Из хозахета аьнна дош дац. Шин филиале болх беш болча наха, вIаший гIо деш, цIаьхха цхьа хIама эттача оарцагIбоагIаш, оагIув хьаллоацаш дIахьу болх», — белгалдир цигарча къахьегамхоша.
