Skip to main content

Керда оборудовани кхаьчай онкологически диспансере

ТIехьа яьнна, дикагIа йола, аппарат кхаьчай вай республикерча онкологически диспансере. Лораша яхачох, из тахан боккха аьттув ба! Цу аппаратаца йиш я, онкологически лазар, хIетта долалуча хана гучадаккха.

Из тайпара аппараташ ца хиларах, халачарех лоархIаш дола из лазар, гаьна даьлча мара хьагучацадоалаш хулар. Из доккха новкъостал дарбанче кхаьчад «Онкологически лазарашта духьалара тIом» яхача федеральни программеи, «УнахцIено» яхача къаман проектеи гIолла.

Цу аппарата эггара дикагIадар — дукха ха ца йоаеш, лазар хьагучадаккха йиш хилар. Керда аппарат йовза кхийнад лорий, аппарато ший болх дIаболабаьб.