Шолжа лакхегIолла дода Эккажкъонгий-Юртара тIий йиллача ханал хьалха йистедала тарлуш да. ТIатеIIа болх барга хьежжа, ахкан хьалхарча бетта кийча хургда из доккха тIий.
«Укх тIехьарча шерашка кхоачашъеча проекташта юкъера боккхагIбола болх ба из. Из тIий чIоагIа эшаш да вай республике, бахархоша цунга сатувса дукха ха я.
Машенашца лелача наьха гIулакх дикка аттачахьа даргда хIанз», — белгалдир ший телеграм-канале мехкадас Келаматанаькъан Махьмуд-Iаьлас. ТIий хьалде доладир дIадахача шера гурахьа. КIалхара аьшка-бетона бIоагIий чIоагIдеш, болх дIахьош боахк цига къахьегамхой. Наькъаш тоаде аьнна кхеллача проектага гIолла, дIахьош ба из беркате болх.
