720 дешархочоа лаьрхIа йолча Наьсарерча №4 йолча кердача ишкола газ дIатIахеттар. Из хоам тхога бир республикан кулгалхочун кепайоазон болхлоша. «Из беркате гIулакх мехкадаьца Келаматанаькъан Махьмуд-Iаьлаца дIахьош хилар «Газпрома» болхлой.
Уж бар «Газпром» яхача ПАО департамента кулгалхо вола Марков Владимир, ООО «Газпром межрегионгаз» яхача моттига хьалха латта Густов Сергей, иштта цар кхыбола болхлой а. Республике болх беш йолча газ чуйиллале деча балхий программага гIолла хилар кердача дешара моттига газ дIатIаяхьар», — йоах тхога кхаьчача хоамо.
«2021-2025-гIа шераш чулоацаш йолча моттигерча газ чуйиллара программах дувцаргда кхетаче. Укх шера денз вахаре эша газ дIахо чуйиллара программа кхоачаргья дарбанчешка, дешара моттигашка. ХIанзчул тIехьагIа цу моттигашта газ дIатIаяхьарах ахча тела дезаргдац республике хьалъеш латтача ишколай, берий бешамий, дарбанчий», — белгалдир Келаматанаькъан Махьмуд-Iаьлас ший телеграм-канале.
Республикан кулгалхочо белгалдир, из беркате гIулакх чакхдаккха вай аьттув хилар федеральни оагIоно деш дола гIо бахьан да, аьнна. ХIанзчул тIехьагIа цу моттигашта шоай ханнахьа газ дIатIаяхьа йиш хургья вай. Ала деза, хьалъяьча №4 йолча кердача ишколе дешархошта мел эшар долаш да, аьнна.
Бассейн, хоза тоаяь актови зал, спорта къоастадаь доазув, футболах ловза моттигаш, футбола-баскетбола клуб, студи, иштта кхыдараш а.
