Skip to main content

Хамхой Рахьима Дерригдунен школай спортивни ловзарашка «дошув» даькхар

Укх деношка, Сербе дIахьош йолча Дерригдунен школай спортивни ловзарашка, Россе сборнена чуйоагIаш йола, хьалхара моттиг яьккхар гIалгIай къонача дзюдоисто Хамхой Рахьима.

Дукхача шерашка, школай спорта Халкъашта юкъерча федераце, дIахьош да цу тайпара ловзараш. Цу организаце дакъалоацаш ба дуненна 100 мехкара викалаш, ший керттера декхар цо лоархI физически а, хьаькъала а, кхетамбалар, социально-культура оагIорахьа дешархой дегIабоалабар.

Дукха, тайп-тайпарча боарам тIа, дунен Чемпионаташа дIахьо спорта оагIорахьа школе дагIа бераш кийчдара.

Гимназиада чуйоагIаш хул легкая отлетика, исбахьален, спортивни гимнастика, наькдар, аэробика, Iадсаькх тохар, шахматех ловзар, теннис, фехтовани, дзюдо, каратэ, иштта лоIаме, греко-римски латар.

ХIанз, Белграде дIахьоча яхьашка, дакъалоацаш ва 35 мехкара спорта доакъашхо.

Цу юкъе доагIа 14 тайпара дола ловзараш.
Хамхой Рахьима 15 шу да, из ва 42 кг. дозал дарашта юкъе. Спортсмен Iомавеш вар ва, ЦIечой Сулейман.