Ер шу хьехархочун шу да, аьнна, белгалдир вай мехка. «Хьехархо — йоккха цIи» яха кхетаче дIайихьар Кердача Редантерча культуран цIагIа.
«Хамхой Iашата дийцар, малагIча оамалашца ший болх лорабеш, берашцара бувзам чIоагIбеш, хила веза хьехархо. Дешара моттиг къаман вахаре массаза лоархIаме хиннай. Культура, экономика, вахара никъ лорабер дешар да.
Тхьовра денз, хьехархо дика лоархIаш хиннав! Цун сий лорадар, цун цIи дуккха шераш даьлча а боча йолаш дагакхабар деза хиннад.
Таханарча дийнахьа хьехархочун моттиг эггара лакхагIдолча лагIа тIа оттаяр, тIехье сийрдача новкъа яккха гIерташ цо хьега къа боаггIача лерхIаме леладар — из да керттердар! Цу атта боацача балха тIа дукха низ Iобуллаш, чакхбоал хьехархой», — дийцар тха газетага культуран цIагIа.
