Skip to main content

Херсонски, Запорожски областешка, ДНР, ЛНР дIахьош я Россех хьакхетарах йола референдум

Запорожски, Херсонски областешка, иштта Донецски, Лугански халкъа республикашка референдумаш дIахьош я, Российски Федерацех уж дIакхетара долча хаттарах. Цунах хоам бир СМИ викалашка, избирательни комиссе доакъашхоша.

Исторически кхадж тассара болх дIахьоргба пхе дийнахьа хоржама даькъа тIа а, иштта нах бахача, цар цIен юхерча даькъа тIа а. ТIахьожамхоша яхачох, кхадж тассара болх ший боарамах дIабодаш ба, Iуррехьа, хоржама даькъа тIа бюллетенеш дIадихьад.

Хьалхадоаккх, цIенах бехача наха лаьрхIа, кхадж тассара йола хоржамий моттигаш, РФ доазон тIа, цхьацца йолча субъекташка а я.

Массехк хьалхагIа, Российски Федераце Президента Путин Владимира белгалдир, Донбассе а, иштта мукъаяьхача шахьарашка а бахача наха бакъахьа хетар, ше хьаллоацаргда аьнна.