Хьун гIулакх тоадара тIехьа дIакхухьаш бола болх тIехдика чакхбаьккхар вай республике дIадахача шера. Из белгалдир, Рослесхоза кулгал деш волча Советников Ивана, Нальчике дIайихьача кхетаче. СКФО, ЮФО хьунашка баьча балха хетаяь яр кхетаче.
«Цига дакъа лоацаш хилар Iалама гIулакхах йолча вай республикерча министерствон кулгал деш вола Шаденаькъан Ахьмадхан.
«Лорае хьунаш» яхача федеральни проекте, лакха толамаш доахаш, шоай болх чакхбаьккха регионаш хьоахайир Рослесхоза кулгалхочо. 125 процентага кхоачаш дIабихьаб из болх вай республико», — йоах тхога бенача хоамо. 2023-ча шера де дезарех дийцар кхетаче. Эггара лоархIамегIчарех да аьнна белгалдир, хьунашка ювлаш йола цIераш, дIа-хьа ца яржийташ, дIайоае аьттув хургболча гIулакхага хьажар, эшашдар хIанззе Iалашдар. Сотников Ивана баркал аьлар ерригача регионашта, шоай болх бехктокхаме дIабахьарах.
