Skip to main content

Къонача суртанча гойтам хьабелларгба ГIалгIайчен музее

Укх кIира, ерача дийнахьа къонача суртанча, Хамхой Розай, гойтам хьабелларгба вай мехкарча кхоллама музее. Ший кIоарга уйлаш хьахьокхаш долча белхашка хьажа тIабех суртанча, цу говзалца сакъердлуш бола бахархой.

«Укхаза дийнлу гIанаш» яхача гойтамо, дукха оагIонаш йовзийтаргда хьажа баьхкарашта. Къона суртанча майрра, массе оагIув бовза, каралаца гIерташ, къахьегаш йолга, хьахьокхаш да сурташ.

Ший дега кIоаргаленаш сурташка гIолла йовзийта, аьттув лу Розайна, цу дега тоам беча белхо. Боккхача говзанчашта а дег чу дувша тарлуш да, къонача суртанча белхаш.

Аьттув хилба цун, цу наькъа тIа!