Skip to main content

Конкурсе котбаьннарашта совгIаташи грамоташи елар

МагIалбике хоржаш хилар, «Iаьржа дошув» яхача конкурсе, мехкдаьттаца сурташ дехкачарна юкъера котбаьннараш. Конкурс вIашагIъеллар яр — ОАО РН «Ингушнефть».

10 шерагара 17 шерага кхаччалца долча берий, 56 сурт дар конкурсе хьокха оттадаьраш. Конкурса доакъашхой, шоай ханага хьежжа, шин даькъа бийкъабар. Могашал эшаенна бераш а хилар цига, шоай начIал дIахьокхаш. Жюре, гулбеннараш цецбоахаш лакха говзал хьекхар цу бераша. Котбаьннарашта юкъе ба, могашал эшаеннача берашта лаьрхIа йолча ишкола дешархой. Iумаранаькъан Мовсар(10 шу), Къоастой Микаьил(10 шу), ЦIечой Мухьмад-Ислам (14 шу), Шолжа-шахьар тIара, коррекционни ишкола дешархо Гайтанаькъан Илез ( 17 шу), Илдарха-ГIалий тIарча кхоллама ишкола къона суртанча, Шовхаланаькъан Хьава (14 шу).

Белгалдаккха деза, могашал эшаеннача берашта, мел эшаш бола кхоачам лоаттабу хьехархоша. Цар дешача кхуврчай кулгалхошта, баркал ала доагIаш гIулакх да из.

Могашал эшаеннача берашта лоархIаме да шоаш теркалбар, шоаша хьакхеллар наха хозхетар. Из кертте а лоацаш, говзал кхы а кIоаргье, дог ца эккхаш дIахо шоай болх дIабахьа цар безам хургболаш, увттаю уж тайпара конкурсаш.