Skip to main content

Корта бохабеча маларах волаш, машен хехкаш лийначо, шийна доагIа таIазар дIаэцаргда

МагIалбикерча полицен болхлоша дIалаьцар, корта бохабеча маларах виза волаш, вIалла шек воацаш машен хехкаш лелар. Нурадилова оалача ураме «ВАЗ- 211150» машена ко лаьца, е IаьдалагIа а е нахах а хьулавенна воацаш, машен хехкаш лелачара Iочувигар СоагIапчара цхьа баьри.

Iаьдала болхлоша баьча тохкамо хьахьекхар, из саг цу ийрчача хьале волаш, хьалхара лаьца воацалга. Менна волаш хьалха ше дIалаьца хиларах, цун керта массал хиннадоацалга гуш дар. ВIалла эхь, бехк ца хеташ, маларах волча хьале, наькъа тIа ваьлар из. Бакъда, укх наькъа, иштта атта кIалхара варгвац Iадалцара бехк ца лоархIа вахархо.

Ма дарра, цун гIулакх техка, протокол оттайир МВД Iаьдала законага ладувгIаш воацаш, шийи, наьхеи вахар кхерама юкъе оттадара бехке вола, СоагIапчара вахархо. Шийна доагIа таIазар, ма дарра, дIаийцача кIеззига меттава мег, хьалха шийгара гIалат лацарах саготавоацаш, менна, машен хохкаш лийнар.