Skip to main content

«Коталон Диктант» яхача акце дакъа лоацаргда вай республико

«Единая Россия» вIашагIъелла, дерригача къамашта юкъера, «Коталон Диктант» яха акци дIахьоргья, хьатIабоагIача бетта, кхоалагIча дийнахьа. Из да, дунен шоллагIа тIом юхасеца ди.

Из кхетаче дIаяхьа гIо дергда: «Коталон волонтераша», Росгварде, Оборонах йолча министерства, МВД, МЧС. Вай мехка, цу гIулакха хержа, 50 моттиг хургья юрташка, пхьешка. Цу йоккхача акце дакъа лаца йиш йолаш ва республикера моллагIа вахархо.

Юкъевеначун тахка аьттув ба, тIема истори шийна мел довз. Эксперташа яхачох, иштта йолча кхетачеша, къаьстта кхувш йоагIача тIехьен, мехка истори дикагIа довза аьттув лу. Царна ховргда шоай даьша, хIаьта царел хьалха хинначар фашиста духьала фу леладаьд, цIеча эскарга малагIча наькъаца таханара котало кхаьчай. 2022-ча шера, из акци дIаяхьа къоастаяь латтараш, 15 эзар моттиг я. ХIара шера, кхы а чIоагIагIа, дIа-хьа даржаш латт из гIулакх.