«ГIирма бIаьстан» ийслагIа шу дездеш дар Наьсарен района Долакха-Юртарча культуран ЦIагIа.
«Россе сийленна а хозъялара а» хетаяьча кхетачене дакъа лаца вIашагIкхийтар культура ЦIагIа боккхийбараш а бераш а.
«ЦIайна хетадаь вIашагIкхетар дIадахьар тIадиллар цу культуран ЦIагIа Iомалуш болча Налганаькъан Сафияйна, Къулбажанаькъан Аминайна. Гулбеннарий таро хилар Россе исторе чоалхане хинна оагIонаш йовза. Иштта укхаза белгалдир Россех ГIирма хьакхийттачул тIехьагIа хинна хувцамаш, йовза таро хилар ГIирман авторий поэзи, иштта цун культура, бахархой.
ЦIай йистедоалаш, культуран ЦIагIа Iомалуш болчарна Дипломаш делар «Дерригача дунен тIа машар хилара тIехьа» яхача Ерригроссе яхье дакъа лацарах», — аьлар «Сердало» газетага Долакха-Юртарча культуран ЦIен методист волча СаьпарIаланаькъан Микаила.
