Skip to main content

Къулбаседа Кавказе социально-экономически хьал тоадергдолча, лоархIамерча декхарех дийцар вIашагIкхетаре

Россе кабмина Координационни кхуврче, Россе вице-премьер волча Новак Александра кулгалдеш дола, вIашагIкхетар дIадихьар.

Дакъа лаьцараш — ГIалгIайчера, Селий мехкара, ГIаьбартой-Малкхарой мехкара, Къарший-Черсечера, ХIирийчера, Нохчий, Ставрополера мехкдаьй.

Цар массане гойтар, Къулбаседа Кавказа экономически хьал тоадарах йола шоай керттера проекташ. Теркаме лаьцад, наха балха меттигаш цахилар, банковски белхацара процент лоха хилар, иштта кхыдараш а.

Экономика тоярах йолча Министерства кулгал деча Решетников Максима аьнначох, регионашкара экономика хьал, доккхача лерхIамашка бодача наькъа гIо де йиш хургьйолча тайпара хила деза.

Ерригача программай гIулакх теркаме лаца деза, цул совгIа, Къулбаседа Кавказе бахача наьха вахара хьал а тоаде дезарех да.

Новак Александра тIатехар, регионашта пайда бергбола проекташ леха еза аьнна. Белгалдаккха деза, из деррига а СКФО бахархой вахара хьал тоаде дIахьош бола болх хилар.