Skip to main content

Лакхача чулоацама-лакха моттиг​​​​​​​​​​​​​​

ГIалгIайчен эггара йоккхагIа йола байракх вай республика лакхагIйолча моттиге тIаяккхай

ГIалгIайчен паччахьалкхен байракха Денна сий деш шоай лоIам бола нах Маьттлоам тIа баьлар, шоашца йоккха вай баьццара-кIай-цIе байракх а ийца. Цу юкъе дакъалоацаш хилар ДжIайрахьа района кулгалхо -Льянанаькъан Ахьмад.

ЛерхIама акцена хетаяьча инстаграмм-посте, ДжIайрахьа района кулгалхочо яздаьд: «Укх лоархIамерча дийнахьа, ГIалгIайчен эггара йоккхагIа йола байракх вай республика лакхагIйолча моттиге тIаяккха лаьрхIар оаха».

КIада 30 метр дIоахал дар. Иштта гуш дар из лакхера хьежача.

Цу акце дакъа лоацаш хилар КДМ РИ кулгалхо Мархенаькъан Анзор, ГIалгIайчен кулгаговзанчий Ассоциаце кулгалхо Галай Адам, «Фалях» -меттаоттавара юкъарлен кулгалхо Янданаькъан ИбрахIим, иштта кхыбараш а.