Skip to main content

Латара клуба доакъашхошта велосипедаш енний

Ерригача Россе дIайихьача ММА яхьашкара котало яьккха цIабаьхкача, «Килар» яхача латара клуба доакъашхошта, «Единая Россия» яхача парте чубоагIараша, велосипедаш елар. Из лоархIаме кхетаче дIайихьар спортах йолча министерстве.

Цига дакъа лоацаш хилар: Парламента депутат вола Дидиганаькъан Ахьмад, спортах йолча министерства кулгалду Дошхьакълой Iаьли, РИК кулгалхочун гIонча вола Омаранаькъан Iийса, кагирхой парламента депутат вола Дахкилганаькъан Адам.

«Берий спорт» яхача партийни проекте лаьрхIачох, спортсменашта дIайийкъар дикагIа йола велосипедаш, дипломаш, иштта, велосипедашца мишта лела веза хьехаш дола буклеташ. Тахан, вай мехка, ММА яха латар доаржадеча, цу гIулакха оарцагIваьнна лелача тренера, хьехархочоа Къоастой Джабраила доккха баркал кхайкадир вIашагIкхетаре.