Skip to main content

Латархо Iарапханаькъан Рамазан, кегийбарий дуненна чемпионате Россера викал хургва

КIимарса бетта 22-ча дийнахьа, Венгре столице, 18 шу даланза барашта юкъера греко-римски латарах йола, дуненна Хьалхле дIахьоргья.

Россерча сборнеца, Будапеште, гIоргва вай «Ади-Ахмад» спортивни клуба викал вола Iарапханаькъан Рамазан. Цунах хоам бу, ГIалгIайчен спортивни латара Федераце пресс-служба. Рамазан цига дакъалоацаш хургва 71 кг дозал долчарна юкъе.

Кегийбарий дуненна чемпионате, Iарапханаькъан Рамазан нийсвелар, укх шера, муттхьал бетта, Омске дIайихьа яхьаш бахьан долаш. 18 шу даланза болча кегийчарна юкъе греко-римски латарах йолча Россе Хьалхаленна котало яьккхар цо, цига. Цу яхьашка дакъалоацаш хилар 30 республикера виъ бIаь чIоагIагIа бола спортсменаш.