Skip to main content

МагIалбика шахьара администраце кулгалхо Галай Мувса: «Хоржамхошта хьалхашка латтар доккха декхар да»

МагIалбикерча № 412 йолча хоржама даькъа тIа, цаI хьалхарчарех, вера шахьара администраце кулгалхо, Галай Мувса. Ший граждански декхар кхоачаш а даь, шахьара кулгалхочо аьлар ше «Сердало» газета интервью луш, МагIалбике хоржамаш лакхача боарам тIа дIадахьара а, иштта кхерамзлен Iалашо яра а дика кийчо яьй, аьнна.

Тахан, Паччахьалкхен Думеи ГIалгIай Республика Халкъа Гулламеи депутаташ хоржаш кхадж тассара дола кхо ди дIадоладеннад, — аьлар Галай Мувсас. Кхадж тассар, хIара Российски Федераце вахархочун декхар да.

Хоржамаш — вай шахьара, региона, берригача мехка бехктокхаме хIама да, цудухьа хоржамхошта хьалхашка латтар а доккха декхар да.